جربت طريقة Claude المجانية اللي كله بيتكلم عنها

افتح رابط تحميل Node.js من أعلى الصفحة.

اختار نسخة جهازك: على Windows اضغط Windows Installer (‎.msi‎)، وعلى Mac اختار macOS Installer.

افتح الملف اللي نزل وثبّته زي أي برنامج: Next ← Next ← Install ← Finish، ومن غير ما تغيّر أي إعداد.

لو Node.js متثبت عندك قبل كده، تقدر تتخطى الخطوة دي.

افتح الرابط الرسمي للأداة على GitHub، واضغط على زر Download for Windows.

هتفتح صفحة فيها ملفات كتير. انزل لتحت لحد قسم Assets، ونزّل الملف اللي آخره ‎.exe‎ (حجمه حوالي 100 ميجا).

لو إنت على Mac نزّل ملف ‎.dmg‎ المناسب لجهازك: arm64 لأجهزة Apple Silicon، وx64 لأجهزة Intel.

افتح الملف وثبّته عادي جدًا زي أي برنامج.

بعد التثبيت افتح البحث في Windows، اكتب FreeLLMAPI، وشغّل البرنامج. هتظهر لك الواجهة الرئيسية للأداة.

جوه FreeLLMAPI اضغط على Keys من القائمة اللي فوق.

اضغط Add key، وفي خانة المزود (Provider) ابحث عن Google AI Studio واختاره.

اضغط زر Get API key. هيفتح لك موقع Google AI Studio (لو مش مسجل دخول، سجّل بحساب Google الأول).

اضغط Create API key، واختار مشروع. لو مفيش عندك أي مشروع اضغط Create project، وبعدها اضغط Create key.

انسخ المفتاح اللي ظهر، وارجع لـ FreeLLMAPI والصقه في خانة المفتاح، واضغط Add key.

سيب الموديلات المختارة زي ما هي (الاختيار الافتراضي)، واضغط Save.

اضغط Check now. لو ظهرت كلمة Healthy يبقى المفتاح شغال تمام.

في صفحة Keys اضغط Add key مرة تانية.

في خانة المزود ابحث عن Groq واختاره.

خد بالك: Groq بحرف Q، مش Grok بتاع إيلون ماسك.

اضغط Get API key. لو طلب منك تسجيل دخول، سجّل وبعدها ارجع لصفحة API Keys.

اضغط Create API Key، اكتب أي اسم للمفتاح، واضغط Submit.

انسخ المفتاح، وارجع لـ FreeLLMAPI والصقه، واضغط Add key ثم Save.

اضغط Check now وتأكد إنه Healthy. كده عندك مزودين شغالين.

حمّل Claude Desktop من الرابط اللي فوق، وثبّته زي أي برنامج.

لما يفتح لك شاشة تسجيل الدخول، متسجلش دخول. اضغط على علامة القائمة ☰ (التلات شرط) فوق على الشمال.

انزل لتحت واختار Developer، وبعدها اختار Configure third-party inference.

لو مش لاقي Developer في القائمة، شوف الصندوق الأصفر «لو خيار Developer Mode مش ظاهر عندك» اللي فوق الخطوات.

هتفتح نافذة الإعدادات وهتطلب منك حاجتين: API key وBase URL. هنجيبهم الاتنين من FreeLLMAPI.

المفتاح: ارجع لـ FreeLLMAPI واضغط على Unified API key، وبعدها اضغط Copy جنب Your unified API key.

ارجع لنافذة Claude والصق المفتاح في خانة API key.

الرابط: في FreeLLMAPI روح لخانة Anthropic، وانسخ الرابط اللي مكتوب جنب Base URL (بـ Ctrl + C).

ارجع لنافذة Claude والصق الرابط في خانة Base URL.

اضغط Test connection. لو ظهرت علامة خضرا يبقى الاتصال تمام.

اضغط Save changes، وبعدها Apply changes، ولما يسألك اضغط Relaunch now عشان البرنامج يعيد التشغيل بالإعدادات الجديدة.

Claude هيفتح من غير تسجيل دخول. سيب اختيار الموديل على الافتراضي، واكتب له أي رسالة تجربة زي «إنت شغال؟».

عشان تعرف مين اللي رد عليك فعلًا: افتح FreeLLMAPI، روح للإحصائيات، وبعدها Logs. هتلاقي اسم الموديل الحقيقي (في الفيديو كان Gemma 4).

خلي برنامج FreeLLMAPI شغال طول ما إنت بتستخدم Claude بالطريقة دي، لأنه هو الوسيط بينهم.